下白泥日落

2
6872
views

好多香港人都好鐘意去外國旅行, 覺得外國既天都特別藍, 我亦都係一個好鐘意旅行既人, 但係其實香港都有好多地方值得去而大家又未必知既。今次要介紹就係位於元朗既下白泥啦! 我朋友都係元朗人, 可惜佢地竟然一次都未去過! 哈

交通: 大家可以係元朗搭專線小巴33號(收費六元) ,由元朗泰豐街出發,就可以直達上白泥、下白泥。其實沿途既風景都好靚架, 大家不妨早d 落車, 徒步去海灘的另一面

其實下白泥是新界最西面的地方之一,所以睇日落就一流啦!

唔知大家有無聽過MagicHour呢? Magic hour係指日出或者日落既前後大概一個鐘,靚既MagicHour真係可遇不可求架! 當日係白泥影相既時候, 有個uncle 同我地講佢見近排好天, 幾乎日日都會黎白泥, 希望等到一個靚既magic hour。我地去果日好好采, 連uncle 都話呢個magic hour 係佢近排睇過最靚既。係米真我地就唔知啦, 不過大自然真係好靚, 當你成日係城市睇住周圍都係車, 你就會覺得香港仲有d 咁靚既地方係幾難能可貴。


注意: 不過要夏天要睇magic hour 可能要等到7點, 如果要等magic hour 緊記帶備你既電筒, 因為日落之後果度真係無咩光架! 如果無個電筒係身真係會有d危險架, 因為果度唔係平地。最緊要留意尾班車係幾點, 現在日落差不多8PM先完, 四圍黑麻麻,都幾危險的!

如果係想影日落當然係要帶番支腳架去啦! 我地果日就係怕麻煩就無帶到腳架, 都有d 後悔。

好啦! 睇完日落當然係要去醫肚啦! 大家可以順路去流浮山食海鮮啦。不過如果大家覺得流浮山食海鮮太過高消費, 都可以出番去元朗食, 都好多好野食架! 遲d 再同大家介紹元朗有咩好野食。

 

2 COMMENTS

    • D 相我無EDIT 過架~~~我用D60的:D
      本身白泥真係好靚架~~
      同埋聽D 人講 我去果日個日落同MAGIC HOUR 都係最靚的 =]

LEAVE A REPLY

Please enter your comment!
Please enter your name here

使用新浪微博登陆